აჭარაში მეორე ტური მხოლოდ ანზორ ბოლქვაძეს არ სჭირდება

საქართველოს პარლამენტის 2016 წლის 8 ოქტომბრის არჩევნებზე მხოლოდ ერთმა მაჟორიტარმა კანდიდატმა გადალახა 50%-იანი ბარიერი. ცესკოს წინასწარი მონაცემებით 73-ე მაჟორიტარულ ოლქში [ქედა, შუახევი, ხულო] „ქართული ოცნების“კანდიდატმაანზორ ბოლქვაძემ ხმების 51,77% მიიღო. მონაცემები დათვლილია ამ ოლქის 125 უბნის მიხედვით. ოლქში სულ 130 უბანია.

უბნები აჭარაში სადაც „ნაციონალურმა მოძრაობამ“ „ოცნებას“ მოუგო

საქართველოს პარლამენტის 2016 წლის 8 ოქტომბრის არჩევნებზე,  „ნაციონალურმა მოძრაობამ“ „ქართულ ოცნებას“ 254 უბნის შედეგების მიხედვით  27 უბანზე მოუგო პროპორციული სისტემით.  აჭარაში 94 უბნის შედეგები კი, ჯერ კიდევ დაუთვლელია.

პროპორციული არჩევნების შედეგები კახეთში

კახეთის 6 ოლქში წინასწარი მონაცემებით პროპორციულ არჩევნებში ქართული ოცნება ლიდერობს, მეორე ადგილზეა ერთიანი ნაციონალური მოძრაობა (ენმ). თუმცა, 50 პროცენტიანი ბარიერი მმართველმა პარტიამ მხოლოდ 25 ოლქში გადალახა.

კახეთის 5 ოლქში მეორე ტურია მოსალოდნელი

კახეთში 6 მაჟორიტარული ოლქის პირველადი შედეგები ცნობილია.

ხარაგაულში გამგებლის არჩევნების მეორე ტური გველოდება

ხარაგაულის საოლქო საარჩევნო კომისიამ საპარლამენტო და გამგებლის არჩევნების მონაცემები შეაჯამა.

წინასწარი შედეგებით სამცხე-ჯავახეთში პროპორციული სიით „ქართული ოცნება“ იმარჯვებს

ენტრალური საარჩევნო კომისიის წინასწარი მონაცემებით, სამცხე-ჯავახეთის სამივე ოლქში „ქართული ოცნება“ ლიდერობს. პარტიამ ყველაზე მეტი ხმა N46-ე ნინოწმინდა-ახალქალაქის საარჩევნო ოლქში მიიღო.

ინცინდენტი ბათუმის 69–ე უბანზე

ბათუმის 69-ეს პირველ უბანზე პოლიციაა მობილიზებული. მათ მეორე ნაწილი შემოუერთდა. უბნის თავმჯდომარე მაია ბლადაძე უბნის გახსნაზე უარს ამბობს. შენობაში ამ დროისთვის მხოლოდ საია-ს აჭარის ფილიალის ხელმძღვანელი გიორგი ხიმშიაშვილი და გამჭვირვალობის წარმომადგენელი შევიდნენ.

ბათუმში უბნის გაუქმებას ითხოვენ

„ -პირველი ამომრჩეველი ადგენს არჩევნების ლეგიტიმაციას, ეს არის გასაღები დანარჩენი საარჩევნო პროცესის და რას ნიშნავს, რომ ჩვენ გავაღეთ კარი გასაღების გარეშე. პირველი ამომრჩეველის ხელმოწერა არ არის დაფიქსირებული, ნიშნავს, რომ ამ უბანზე არჩევნები არ ჩატარებულა“ – ამბობს ბათუმის პირველ უბანზე „ახალგაზრდული ორგანიზაცია მომავალი საქართველოსთვის“ ლიდერი ლაშა ადამია. მისივე ინფორმაციით უბნის თავმჯდომარეს ძალიან გაუჭირდა საჩივარის მიღება, მაგრამ […]

ჭეჭლის უბანზე “ნაციონალების” ხმები ჭარბობს

“სამხრეთის კარიბჭეს” ჟურნალისტის, თამარ ფეიქრიშვილის ინფორმაციით, რომელიც ხმის დათვლის პროცესს სოფელ ჭეჭლაში (აქ მისცეს ხმა ჭელის მცხოვრებლევმაც) აკვირდება, ამ უბანში “ერთიანი ნაციონალური მოძრაობის” სასარგებლოდ მიცემული ხმები ჭარბობს. მისივე ინფორმაციით, იგივე მდგომარეობაა ადიგენში, სოფელ გორგულის უბანშიც. “სამხრეთის კარიბჭე”

ოზურგეთი #60–ე ოლქი

ოზურგეთის #60 საოლქო საარჩევნო კომისიაში მხოლოდ ორი საჩივარია შესული. როგორც “გურიის მოამბესთან” ოზურგეთის საოლქო საარჩევნო კომისიის თავმჯდომარე ზვიად თენიეშვილი აცხადებს, კომისიაში ამ დროისათვის ორი საჩივარია შესული. მაგრამ ეს გავლენას საბოლოო შედეგებზე არ მოახდენს, საქმე ეხება პროცედურულ დარღვევებს. ამომრჩეველთა აქტივობის საერთო რიცხვი 57 % გახლავთ, რაც საერთო ჯამში 29 078 ადამიანია. გიორგი სირაძე, “გურიის მოამბე”



დონორები და პარტნიორები

logo-sf logo-polonetis-daxmareba logo-rita logo-icfj logo-dc-east